Ministria e Arsimit, Shkencës, Teknologjisë dhe Inovacionit (MAShTI) ka njoftuar se kanë mbetur vetëm pesë ditë afat për aplikim për subvencionimin e teksteve dhe materialeve shkollore për nxënësit nga klasa e parë deri në të nëntën. Deri më tani janë pranuar mbi 144 mijë aplikime përmes platformës e-Kosova, ndërsa procesi i aplikimit do të mbyllet më 9 gusht. MAShTI ka bërë thirrje që prindërit dhe kujdestarët ligjorë të sigurohen që xhirollogaria bankare dhe të dhënat në platformë të jenë të përditësuara para aplikimit. Të gjitha kërkesat do të verifikohen nga shkollat përkatëse përmes koordinatorëve të autorizuar, ndërsa për informata shtesë qytetarët mund të kontaktojnë në adresën elektronike dhe numrin e telefonit të dedikuar.