Ministria e Arsimit dhe Shkencës ka bërë thirrje të gjithë prindërve dhe kujdestarëve ligjorë që të aplikojnë për subvencionimin e teksteve dhe materialeve shkollore për nxënësit e arsimit fillor dhe të mesëm të ulët deri më 9 gusht 2026. Deri tani, mbi 102,000 prindër kanë aplikuar përmes platformës eKosova, ndërsa aplikimi vazhdon pa pengesa falë mbështetjes së vazhdueshme nga Agjencia e Shoqërisë së Informacionit. Mjetet financiare do të transferohen drejtpërdrejt në xhirollogaritë bankare të prindërve, ndaj është e rëndësishme që të dhënat të jenë të përditësuara dhe xhirollogaritë aktive. Ministria ka siguruar gjithashtu mundësinë e aplikimit për shtetasit e huaj me leje qëndrimi, duke ofruar mbështetje edhe për ata që nuk kanë ende dokumentacionin e plotë.