Më 4 prill përfundoi mandati pesëvjeçar i Vjosa Osmanit si presidente e Kosovës, dhe që nga ajo ditë vendi është me ushtrues detyre të presidentit, aktualisht Albulena Haxhiu. Sipas Kushtetutës, periudha me ushtrues detyre nuk mund të zgjasë më shumë se gjashtë muaj, që do të thotë se më 4 tetor përfundon afati i fundit për këtë funksion. Ekspertët e Kushtetutës shpjegojnë se pas kësaj date, nëse nuk zgjidhet presidenti i ri, Kosova do të mbetet pa asnjë ushtrues detyre të presidentit, gjë që krijon një vakuum institucional. Gjendja aktuale e Kuvendit dhe legjislaturës së re do të ndikojë në mënyrën e zgjidhjes së situatës, por afati i 4 tetorit mbetet një pikë kyçe për stabilitetin institucional të vendit.