Ambasada e Republikës së Kosovës në Slloveni ka bërë thirrje urgjente për të gjithë qytetarët e Kosovës të regjistruar për votim që të shfrytëzojnë të drejtën e tyre demokratike dhe të votojnë në Ambasadën në Lubjanë. Afati për votim është i kufizuar dhe qendra e votimit do të mbyllet në orën 19:00 të ditës së sotme, duke lënë pak më shumë se tri orë për pjesëmarrje. Votimi mund të kryhet me letërnjoftim, pasaportë ose leje vozitjeje të vlefshme të Republikës së Kosovës, në adresën Tivolska cesta 48. Autoritetet diplomatike kanë inkurajuar qytetarët që të mos e humbasin këtë mundësi dhe të ushtrojnë të drejtën e tyre të votës brenda afatit të paraparë.