Sot është dita e fundit e afatit kushtetues që Kuvendi i Kosovës të zgjedhë presidentin e ri. Nëse zgjedhja dështon deri në mesnatë, sipas nenit 86 të Kushtetutës, Kuvendi do të shpërndahet dhe do të organizohen zgjedhje të reja parlamentare brenda 45 ditësh. Procesi i zgjedhjes së presidentit kërkon votimin e fshehtë dhe shumicën prej dy të tretave të deputetëve në dy raundet e para, ndërsa në raundin e tretë mjafton shumica e deputetëve. Në votimin e parë të zhvilluar të hënën morën pjesë më pak se 80 deputetë, gjë që u konsiderua shkelje kushtetuese nga opozita dhe organizatat e shoqërisë civile.