Sonte në mesnatë përfundon afati i vendosur nga Gjykata Kushtetuese për zgjedhjen e presidentit të ri të Kosovës, një afat ky që u caktua pas dekretit të ish-presidentes Vjosa Osmani për shpërndarjen e Kuvendit më 6 mars. Ky dekret u rrëzua nga Gjykata Kushtetuese, e cila i dha Kuvendit kohë deri më 28 prill për të zgjedhur presidentin, pas dështimit për të përmbushur këtë detyrë brenda afatit të parë për shkak të mungesës së kuorumit. Megjithë përpjekjet e bëra, partitë politike nuk kanë arritur të bien dakord për kandidatët që do të garonin për postin e presidentit. Në rast se zgjedhja nuk realizohet brenda afatit të fundit, Kosova do të shkojë në zgjedhje të reja parlamentare, të cilat duhet të mbahen brenda 45 ditësh.