Gjykata Kushtetuese e Kosovës ka vendosur një masë të përkohshme që ndalon veprimet e Kuvendit dhe Presidencës, e cila do të skadojë brenda dhjetë ditëve, më 31 mars. Në këtë afat, Kushtetuesja do të vendosë nëse Dekreti i Presidentes Vjosa Osmani për shpërndarjen e Kuvendit është kushtetues dhe i drejtë. Ndërkohë, po shqyrtohet edhe kërkesa e Lëvizjes Vetëvendosje për detyrimin e deputetëve opozitarë që të marrin pjesë në seancën e zgjedhjes së presidentit, pasi seanca e parë u ndërpre për mungesë kuorumi. Negociatat mes LVV-së dhe opozitës për zgjedhjen e presidentit kanë dështuar, ndërsa kryeministri Kurti nuk pranon që Osmani të kandidojë për një mandat të ri, duke shkaktuar tensione mes dy kabinetëve dhe duke lënë të hapur mundësinë e zgjedhjeve të parakohshme.