Kryeministri i Kosovës, Albin Kurti, ka njoftuar se do të zhvillojë takime javën e ardhshme me kryetarin e PDK-së, Bedri Hamza, dhe atë të LDK-së, Lumir Abdixhiku, për të diskutuar çështjen e zgjedhjes së presidentit të ri. Kjo vjen pas vendimit të Gjykatës Kushtetuese që ka dhënë një afat shtesë prej 34 ditësh për zgjedhjen e presidentit, duke konstatuar se afati 60 ditor nuk ishte konsumuar plotësisht për shkak të periudhës nga konstituimi i Kuvendit deri më 4 mars. Kushtetuesja ka sqaruar se zgjedhja duhet të bëhet brenda 60 ditëve dhe që ky afat duhet të përfundojë 30 ditë para përfundimit të mandatit të presidentit aktual. Kryeministri Kurti ka theksuar se takimet e paralajmëruara synojnë të gjejnë një zgjidhje për këtë proces të rëndësishëm politik.