Kryeministri i Kosovës, Albin Kurti, ndodhet për vizitë në Londër me ftesë të Qeverisë britanike, ndërkohë që afati kushtetues për zgjedhjen e presidentit të ri po shkon drejt fundit. Pas vendimit të Gjykatës Kushtetuese, Kuvendi ka afat deri më 20 ose 28 prill për të zgjedhur kreun e shtetit, në të kundërtën do të shpërndahet dhe do të mbahen zgjedhje të reja. Kurti është takuar vetëm me kryetarin e Lidhjes Demokratike të Kosovës, Lumir Abdixhiku, por pa ndonjë rezultat konkret apo emër specifik për president. Një takim me kryetarin e Partisë Demokratike të Kosovës, Bedri Hamza, ende nuk ka ndodhur, pasi kjo parti kërkon seriozitet dhe ftesë zyrtare nga Kurti. Në këtë periudhë, Presidenca drejtohet nga kryeparlamentarja Albulena Haxhiu si ushtruese e detyrës, pas përfundimit të mandatit të Vjosa Osmanit më 4 prill.