Në Kosovë kanë mbetur vetëm 15 ditë deri në afatin kushtetues për zgjedhjen e presidentit të ri, por partitë politike nuk kanë arritur ende një marrëveshje. Opozita akuzon kryeministrin Albin Kurti për mungesë interesi në zgjidhjen e situatës dhe kërcënon me zgjedhje të reja, ndërsa Qeveria kërkon shmangien e një procesi të tillë. Në garë janë dy kandidatë nga Vetëvendosje, por në seancën e mëparshme nuk u arrit as kuorumi për votim, ndërsa takimet mes liderëve politikë nuk kanë sjellë rezultat. Analistët politikë vlerësojnë se partitë po përpiqen të shmangin përgjegjësinë për dështimin, ndërsa një bashkim i mundshëm i disa subjekteve politike mund të sfidojë Vetëvendosjen në zgjedhjet e ardhshme, në rast se nuk zgjidhet presidenti deri më 28 prill dhe vendi shkon në zgjedhje brenda 45 ditësh.