Profesori universitar Daniel Serwer ka kritikuar situatën politike dhe institucionale në Kosovë, duke theksuar se vendi nuk po paraqet një imazh të mirë ndërkombëtar në kohën kur synon anëtarësimin në Bashkimin Evropian dhe NATO. Ai ka vlerësuar se paaftësia e institucioneve shtetërore për të kryer funksionet themelore, siç është zgjedhja e presidentit, mund të pengojë përparimin e Kosovës drejt këtyre synimeve. Serwer ka theksuar se zgjedhja e presidentit është minimumi që parlamenti duhet të arrijë për të treguar stabilitet institucional. Sipas tij, pa një qeverisje funksionale dhe institucione të forta, rruga euroatlantike e Kosovës mbetet e pasigurtë dhe e vështirë për t’u realizuar.