Deputeti i Vetëvendosjes, Agim Bahtiri, ka deklaruar se janë në pritje të përgjigjes së Gjykatës Kushtetuese lidhur me aktet antikushtetuese dhe dekretin e presidentes Vjosa Osmani për shpërndarjen e Kuvendit. Ai ka theksuar se pas këtij procesi do të zbulohet se kush qëndron pas skenarit që po bllokon funksionimin e shtetit dhe po zhvillon lojëra politike për të rifituar pushtetin. Bahtiri ka shtuar se askush nuk ka të drejtë të fusë vendin në krizë për shkak të ambicieve personale politike dhe se e vërteta do të dalë në dritë. Ky reagim vjen në një kohë kur situata politike në Kosovë është e tensionuar dhe pritshmëria për vendimin e Gjykatës Kushtetuese është e madhe.