Më 4 gusht, në Aeroportin Leipzig/Halle të Gjermanisë u gjet një dron i ngarkuar me eksploziv pranë një aeroplani ukrainas, i cili u çaktivizua pa shkaktuar dëme apo viktima. Autoritetet gjermane njoftuan më 1 shtator se të dhënat e institucioneve të sigurisë tregojnë qartë përfshirjen e Rusisë në këtë tentativë sulmi. Enver Hoxhaj, deputet i PDK-së dhe ish-ministri i Jashtëm i Kosovës, e ka cilësuar këtë ngjarje si një akt agresioni rus kundër Gjermanisë dhe sigurisë së Evropës. Ai theksoi se Kosova mbështet fuqishëm kancelarin gjerman Merz, Gjermaninë dhe aleatët e NATO-s, duke nënvizuar nevojën për unitet dhe vendosmëri në luftën hibride që po zhvillohet.