Kryetari i Bashkimit Demokratik për Integrim, Ali Ahmeti, zhvilloi një takim të hapur me ambasadoren e Holandës, Özlem Canel, ku theksoi domosdoshmërinë e përshpejtimit të procesit të integrimit në Bashkimin Evropian. Ai paralajmëroi se çdo vonesë në këtë proces dobëson institucionet dhe krijon pasiguri politike, ekonomike dhe shoqërore në vend. Ahmeti ngriti shqetësimin për goditjet e vazhdueshme ndaj Marrëveshjes së Ohrit, duke e cilësuar atë si themelin e paqes, barazisë dhe stabilitetit demokratik në shtet. Në diskutim ishin edhe zhvillimet politike aktuale, sundimi i ligjit dhe sfidat rajonale, ndërsa Ahmeti kërkoi që partnerët ndërkombëtarë të dëgjojnë qartë alarmin për situatën në vend.