Aleanca Kosovare e Bizneseve (AKB) ka reaguar ashpër ndaj ekspozitës “Masakrat në Kosovë 1998–1999”, duke e cilësuar atë si një përpjekje të papranueshme për të relativizuar dhe deformuar të vërtetën historike të krimeve të luftës. AKB shpreh shqetësim për përfshirjen e Kuvendit të Republikës së Kosovës në financimin e kësaj ekspozite, duke paralajmëruar se kjo mund të përbëjë keqpërdorim të taksave të qytetarëve nëse përmbajtja devijon nga e vërteta historike. Organizata kërkon nga Prokuroria e Shtetit të hetojë nëse ka elemente të keqpërdorimit të mjeteve publike dhe të vlerësojë qëllimet e ekspozitës, duke kërkuar përgjegjësi të plotë për financuesit dhe organizatorët.