Deputeti i Aleancës për Ardhmërinë e Kosovës, Besnik Tahiri, iu bashkua aksionit të Partisë Demokratike të Kosovës që prej disa ditësh proteston para ndërtesës së Qeverisë, duke kërkuar vazhdimin e seancës konstituive të Kuvendit. Tahiri akuzoi Qeverinë në detyrë dhe Lëvizjen Vetëvendosje për shkelje të vazhdueshme kushtetuese, duke theksuar se 17 nga 21 anëtarët e kabinetit ushtrojnë funksione të dyfishta në mënyrë të kundërligjshme. Ai e përshkroi këtë situatë si një praktikë të përhershme dhe recidiviste, duke paralajmëruar se qytetarët po e vërejnë gradualisht këtë mënyrë të funksionimit. Protestuesit vazhdojnë bllokimin e hyrjes në Qeveri, duke kërkuar që kryeministri në detyrë të shkojë në Kuvend për të vazhduar procesin konstituiv.