Avdullah Hoti ka kritikuar ashpër vendimin e Gjykatës Kushtetuese të dhjetorit 2020, i cili rrëzoi Qeverinë e udhëhequr nga LDK-ja, duke e cilësuar atë si një “njollë” në historinë e kësaj gjykate. Ai ka vënë në dyshim integritetin dhe paanshmërinë e njërit prej gjyqtarëve, i cili kishte rol kyç si gjyqtar raportues në këtë çështje. Sipas Hotit, ky gjyqtar ka mbajtur qëndrime të njëanshme që nga viti 2015, duke favorizuar Lëvizjen Vetëvendosje në zhvillimet politike. Ai është i bindur se asnjë ekspert i së drejtës kushtetuese nuk do ta mbrojë këtë aktgjykim, i cili sipas tij, do të mbetet një njollë në Gjykatën Kushtetuese.