Aktivistë të organizatës “Liria ka Emër” zhvilluan një aksion simbolik para objektit të EULEX-it në Prishtinë, ku ndodhet Zyra e Dhomave të Specializuara të Kosovës. Ata vendosën një pankartë me fotografitë e ish-krerëve të Ushtrisë Çlirimtare të Kosovës, duke kërkuar që Hashim Thaçi, Kadri Veseli, Rexhep Selimi dhe Jakup Krasniqi të shpallen të pafajshëm. Në aksion mori pjesë edhe Flaka Fazliu, vajza e dëshmorit Fatmir Fazliu, e cila theksoi rëndësinë e drejtësisë që nuk duhet të shkëputet nga historia e luftës çlirimtare dhe paralajmëroi se Kosova nuk do të heshtë përballë përpjekjeve për shtrembërimin e së kaluarës. Kryeministri në detyrë, Albin Kurti, deklaroi se nuk ka informacione për vendimin e Gjykatës Speciale, ndërsa aktgjykimi pritet të shpallet më 16 shtator, me një protestë të paralajmëruar për 12 shtator në mbështetje të ish-krerëve të UÇK-së.