Asamblistja e Lëvizjes Vetëvendosje në Prishtinë, Berita Abazi, ka akuzuar kryetarin e Komunës së Prishtinës, Përparim Rama, për ushtrim presioni dhe kontrolli të shtuar ndaj punëtorëve të komunës. Ajo ka bërë këto deklarata pas një takimi të zhvilluar të mërkurën e kaluar në ambientet e komunës, ku kanë marrë pjesë Rama, dy zyrtarë të legalizimeve dhe dy persona të tjerë, emrat e të cilëve nuk janë bërë publikë. Sipas Abazit, takimi ka zgjatur disa orë me dyer të mbyllura, dhe pas tij është rritur presioni ndaj zyrtarëve, të cilët sipas saj nuk kanë faj për veprimet e kryetarit dhe bashkëpunëtorëve të tij.