Deputetja e PDK-së, Blerta Deliu-Kodra, ka akuzuar Lëvizjen Vetëvendosje për dëmtim të rëndë të rendit kushtetues dhe paralizim të institucioneve të Kosovës. Ajo ka reaguar pas deklarimeve të ministrit në detyrë të Punëve të Jashtme, Glauk Konjufca, duke theksuar se Vetëvendosje ka shkelur Kushtetutën, ka shpërfillur vendimet e Gjykatës Kushtetuese dhe ka cenuar rregulloren e Kuvendit brenda një muaji. Deliu-Kodra ka vënë në dukje se këto veprime nuk prekin vetëm një institucion, por dëmtojnë themelet e shtetit dhe rendin kushtetues në tërësi. Ajo ka paralajmëruar se rrënimi i rregullave kushtetuese është një kërcënim serioz për stabilitetin dhe funksionimin e institucioneve në Kosovë.