Deputeti i Partisë Demokratike të Kosovës, Artan Behrami, ka sulmuar ashpër kryeministrin në detyrë, Albin Kurti, duke e cilësuar atë si "adresën e shkatërrimit të Republikës së Kosovës". Në një video të publikuar në Facebook, Behrami akuzoi Kurtin se nuk ka bërë sakrifica për të arritur në postin e kryeministrit dhe se ka qenë kundër shumë proceseve dhe simboleve shtetërore, duke përfshirë luftën çlirimtare, marrëveshjen e Rambujesë dhe flamurin kombëtar.