Deputetja e Partisë Demokratike të Kosovës, Ganimete Musliu, ka sulmuar ashpër kryeministrin në detyrë, Albin Kurti, dhe kryesuesin e seancës konstituive, Avni Dehari, për moskonstituimin e Kuvendit dhe situatën e rëndë politike në vend. Ajo i ka cilësuar të dy si “super-kriminela”, duke iu referuar deklaratave të mëparshme të Kurtit që e konsideron shkeljen e Kushtetutës si “super-krim”. Musliu ka akuzuar Kurtin dhe Deharin për uzurpim të Kuvendit dhe për pengimin e funksionimit normal të institucioneve. Sipas saj, sistemi politik në Kosovë është në një gjendje shumë të keqe për shkak të veprimeve të tyre, duke theksuar se këta dy janë përgjegjës për bllokimin e procesit parlamentar.