Partia Demokratike ka depozituar në SPAK një kallëzim penal kundër kryeministrit Edi Rama, duke e akuzuar për shpërdorim detyre, korrupsion pasiv dhe pastrim parash në lidhje me dy çështje të ndërlidhura: financimin prej 4.2 milionë eurosh të koncertit të Kanye West nga fondi rezervë i shtetit dhe skemën e përshkruar në librin “The Albanian Files – Freedom and Architecture”. Sipas PD-së, Rama ka krijuar një grup të strukturuar kriminal që përfshin përzgjedhjen e studiot ndërkombëtare të arkitekturës, lidhjen e tyre me investitorë shqiptarë dhe sigurimin e lejeve të ndërtimit për projekte të mëdha në Tiranë dhe zonat bregdetare, duke përfshirë edhe ndërtimin e kullës 44-katëshe “Sun Moon Star”. Kallëzimi përmban dëshmi dhe raste konkrete që tregojnë tarifat e larta të projektimit dhe ndikimin e drejtpërdrejtë të Ramës si kryetar i Këshillit Kombëtar të Territorit dhe Kryeministër. Deri tani nuk ka pasur reagim nga kryeministri apo institucionet e përfshira, ndërsa SPAK do të vendosë për nisjen e hetimeve.