Deputetja e Partisë Demokratike, Albana Vokshi, ka akuzuar kryeministrin Edi Rama se ka vepruar kundër interesave të Kosovës duke bashkuar votën me Serbinë për miratimin e një deklarate të përbashkët në Konferencën e Komisioneve Parlamentare për Integrimin Europian të vendeve të Europës Juglindore, ku Kosova nuk u trajtua si shtet i pavarur. Vokshi thekson se kjo është një ndryshim i qëndrimit të Shqipërisë, e cila më parë refuzonte të jepte konsensus për deklarata që nuk përmendnin Kosovën si shtet të pavarur, por tani përfaqësuesja e Partisë Socialiste hoqi veton dhe votoi pro deklaratës së përbashkët me Serbinë.