Deputetja e PDK-së, Ariana Musliu-Shoshi, ka hedhur akuza të forta ndaj kryeministrit në detyrë, Albin Kurti, duke e akuzuar atë për mosrespektim të Kushtetutës së Kosovës. Ajo theksoi se vendimmarrja brenda Lëvizjes Vetëvendosje është e centralizuar te Kurti, ndërsa kryetarin e Kuvendit në detyrë, Avni Dehari, e përshkroi si një “kukull” që nuk merr vendime vetë. Musliu-Shoshi kritikoi edhe deputetët e Vetëvendosjes, duke thënë se ata nuk janë shprehur kurrë kundër vendimeve të Kurtit gjatë gjashtë viteve të fundit. Sipas saj, kjo nuk është hera e parë që Kurti dhe qeveria e tij shkelin Kushtetutën, duke ngritur shqetësime për mënyrën e funksionimit të pushtetit në Kosovë.