Nënkryetari i OVL-së së UÇK-së dhe ish-komandant i Brigadës 153, Fatmir Sopi, ka kritikuar ashpër gjuhën që përdorin Albin Kurti dhe zyrtarët e Lëvizjes Vetëvendosje ndaj ish-komandantëve dhe pjesëtarëve të UÇK-së. Ai e ka cilësuar këtë gjuhë si denigruese dhe ka theksuar se ajo i shërben më shumë interesave të Serbisë sesa popullit dhe shtetit të Kosovës. Sopi ka bërë thirrje që partitë politike të fokusohen në programet e tyre dhe të mos keqpërdorin figurat e UÇK-së për përfitime elektorale. Ai ka nënvizuar se UÇK-ja është një trashëgimi e popullit dhe lufta çlirimtare nuk i përket asnjë partie apo individi.