Deputeti i Aleancës, Burim Ramadani, ka akuzuar kryeministrin në detyrë, Albin Kurti, për krijimin e kaosit institucional dhe për synimin e tij për të çuar vendin sërish në zgjedhje pa krijuar institucione të qëndrueshme. Ramadani thekson se gjatë kësaj periudhe, kryesuesi i seancës konstituive, Avni Dehari, ka vepruar si vegël e drejtpërdrejtë e Kurtit, duke shkelur rëndë afatet kushtetuese dhe obligimet morale për krijimin e institucioneve. Ai paralajmëron se kjo situatë e jostabilitetit institucional përbën një rrezik të madh për sigurinë kombëtare të Kosovës. Në përpjekje për mbrojtjen e demokracisë dhe rendit kushtetues, Aleanca bashkë me PDK-në dhe qytetarët që duan shtetin do të veprojnë për të kundërshtuar këto shkelje.