Deputeti i Partisë Demokratike të Kosovës, Artan Behrami, ka akuzuar kryeministrin Albin Kurti se po legjitimon strukturat paralele të Serbisë në Kosovë përmes veprimeve të tij të fundit. Sipas Behramit, Kurti fillimisht nuk e kundërshtoi pranimin nga Bashkimi Evropian të dokumenteve të këtyre strukturave, ndërsa tani po i legalizon ato. Ai paralajmëron se hapi i ardhshëm mund të jetë zhvendosja e selisë që lëshon dokumentet e strukturave paralele nga Nishi në veriun e Mitrovicës. Behrami pretendon se kjo çështje është diskutuar dhe pranuar nga Kurti gjatë dialogut në Bruksel, Ohër dhe Prishtinë.