Deputetja Ilire Dauti nga Lidhja Shqiptare ka akuzuar partitë shqiptare VLEN dhe BDI se po i shërbejnë interesave të OBRM-PDUKM-së në miratimin e Kodit të ri Zgjedhor. Sipas saj, ndryshimet e propozuara përjashtojnë shqiptarët e diasporës nga votimi elektronik ose me postë në zgjedhjet lokale, duke ndikuar në rezultatin në komunat me shumicë shqiptare si Kërçova, Bërvenica dhe Buteli. Dauti ka kritikuar edhe deklaratat e VLEN-it për pendesë, duke theksuar se nëse LSDM dhe Levica tërheqin amandamentet, Komisioni nuk do të bllokohet. Ajo ka kërkuar mbështetjen e amendamenteve të Lidhjes Shqiptare për të parandaluar kufizimin e së drejtës së votës së mërgatës dhe ka denoncuar veprimet e subjekteve shqiptare si dëm për interesat e komunitetit.