Kandidati për deputet Artan Behrami ka kritikuar ashpër vendimin e Qeverisë së Kosovës për ndarjen e 100 eurove për disa kategori, duke e cilësuar këtë veprim si blerje klasike të votës. Ai ka kërkuar që Prokuroria të ndërhyjë menjëherë dhe të hetojë këtë çështje, duke theksuar se ky veprim përbën shkelje të Kodit Penal të Kosovës. Sipas Behramit, keqpërdorimi i varësisë ekonomike për të ndikuar në votë është i dënueshëm me burgim nga 1 deri në 5 vjet. Reagimi i tij vjen pak ditë para zgjedhjeve të 7 qershorit, duke shtuar tensionin politik në vend.