Kryeministri i Kosovës, Albin Kurti, mori pjesë në ditën e dytë të “Global Progressive Mobilisation” në Barcelonë, ku u zhvillua një darkë me liderë të njohur të politikës progresive ndërkombëtare. Në këtë takim ishin të pranishëm figura si kryeministri i Spanjës Pedro Sánchez, eurodeputetja Katarina Barley, ministrja sllovene Tanja Fajon, kryeministri i Shqipërisë Edi Rama dhe politikanë të tjerë të rëndësishëm. Diskutimet u fokusuan në forcimin e bashkëpunimit ndërkombëtar, përballjen me sfidat globale dhe ndërtimin e alternativave progresive që adresojnë nevojat reale të qytetarëve. Kurti theksoi se ky mobilizim tregon një unitet të shtuar mes forcave progresive në nivel global, me qëllim avancimin e drejtësisë sociale, barazisë dhe zhvillimit të qëndrueshëm.