Kryeministri i Kosovës, Albin Kurti, ka përmbyllur vizitën e tij në Londër me një takim tre-orësh me historianin e njohur Sir Noel Malcolm, ku ka shprehur admirimin për fuqinë intelektuale dhe saktësinë analitike të tij. Kurti theksoi rëndësinë e njerëzve si Malcolm, që kanë dijen dhe guximin për të thënë të vërtetën mbi historinë e Kosovës dhe krimet e Serbisë. Ai përmendi veprën klasike të Malcolm, “Kosova: një histori e shkurtër”, e cila ka ekspozuar mitet propagandistike serbe gjatë luftës çlirimtare të Kosovës. Gjatë darkës, ata diskutuan një gamë temash, nga ndikimi i inteligjencës artificiale në tregun e punës deri te ruajtja e veprave të at Gjergj Fishtës gjatë periudhës komuniste në Shqipëri, dhe Kurti shprehu dëshirën për takime të tjera me historianin e njohur.