Kryeministri në detyrë dhe kandidati për kryeministër nga Lëvizja Vetëvendosje, Albin Kurti, ka prezantuar Krenare Çerkinin si anëtare të re në listën e kandidatëve për deputetë. Krenare vjen nga Ferizaj dhe përfaqëson një profil të ri lidershipi, duke kombinuar arsimimin e lartë akademik me angazhimin në fushën e arsimit dhe rinisë. Ajo ka përfunduar dy bachelor dhe dy mastere me sukses të lartë dhe aktualisht ndjek studimet e doktoratës në Bruksel. Me përvojë si pedagoge universitare dhe pjesëmarrëse në iniciativa ndërkombëtare, Krenare është një figurë e fuqishme profesionale dhe publike, ndërsa është edhe bashkëshorte dhe nënë e një djali.