Kandidati për kryeministër nga Lëvizja Vetëvendosje, Albin Kurti, ka ushtruar të drejtën e tij të votës në Fakultetin Juridik në Prishtinë në orën 09:30. Pas votimit, ai u bëri thirrje qytetarëve që të marrin pjesë në procesin zgjedhor dhe të ushtrojnë të drejtën e tyre demokratike. Ndryshe nga herët e kaluara, bashkëshortja e tij nuk ishte e pranishme gjatë votimit. Procesi zgjedhor po zhvillohet normalisht në të gjitha qendrat e votimit, pa raportime për pengesa serioze.