Ushtruesja e detyrës së presidentes së Kosovës, Albulena Haxhiu, ka pritur në takim studentë të universitetit prestigjioz ETH Zürich gjatë vizitës së tyre edukative në Kosovë. Gjatë bisedës, ajo ka diskutuar për zhvillimet demokratike, proceset zgjedhore, institucionet, si dhe për rolin e të rinjve dhe teknologjisë në vend. Haxhiu ka theksuar potencialin e madh të Kosovës në fushat e dijes, inovacionit dhe zhvillimit, duke vënë në dukje energjinë e popullsisë së re dhe lidhjet e tyre me botën. Ajo shpreson që kjo vizitë do të shërbejë si motiv për studentët dhe studiuesit që të rikthehen në Kosovë si bashkëpunëtorë dhe miq në të ardhmen.