Ushtruesja e detyrës së presidentes së Kosovës, Albulena Haxhiu, i ka dërguar një letër zyrtare Këshillit Prokurorial të Kosovës, duke kërkuar që të hapet pa vonesë konkursi për pozitën e kryeprokurorit të Shtetit. Ajo ka falënderuar KPK-në për bashkëpunimin institucional, por ka theksuar nevojën për angazhim më të madh dhe koordinim më të mirë në funksion të forcimit të sundimit të ligjit. Haxhiu ka theksuar se procesi i përzgjedhjes së kryeprokurorit konsiderohet i përmbyllur nga Zyra e Presidentes dhe se hapja e konkursit nuk duhet të vonohet më tej. Ajo ka kërkuar që procesi të jetë i hapur, gjithëpërfshirës dhe i bazuar në kritere të qarta profesionale dhe etike, për të garantuar besimin e publikut në rezultat.