U.d. Presidentja e Republikës së Kosovës, Albulena Haxhiu, mori pjesë në pritjen lamtumirëse të organizuar për ambasadorin e Zvicrës në Kosovë, Jürg Sprecher, me rastin e përfundimit të mandatit të tij diplomatik. Gjatë këtij eventi, Haxhiu shprehu mirënjohjen e saj për përkushtimin dhe kontributin e ambasadorit në forcimin e marrëdhënieve dypalëshe ndërmjet Kosovës dhe Zvicrës. Ajo falënderoi Sprecher për angazhimin e tij gjatë mandatit dhe i uroi suksese në detyrat e ardhshme. U.d. presidentja theksoi besimin se miqësia dhe partneriteti ndërmjet dy vendeve do të vazhdojnë të thellohen në të ardhmen.