Kryetarja e Kuvendit të Kosovës, Albulena Haxhiu, ka mirëpritur zgjedhjen e kryesuesit dhe zëvendëskryesuesit të Këshillit Prokurorial, duke e konsideruar këtë një hap të rëndësishëm në zbatimin e ndryshimeve ligjore dhe avancimin e reformës në drejtësi. Arian Gashi është zgjedhur kryesues i ri, ndërsa Dardan Vuniqi zëvendëskryesues. Haxhiu ka theksuar se ky proces shënon një fazë të re për Këshillin Prokurorial dhe dëshmon përkushtimin e institucioneve ndaj një sistemi drejtësie të pavarur, transparent dhe llogaridhënës. Ajo ka shprehur besimin se angazhimi dhe vendimmarrja e përbërjes së re do të kontribuojnë në forcimin e sundimit të ligjit dhe në rritjen e besimit të qytetarëve në institucionet e drejtësisë.