Aleanca ka deklaruar se qëllimi i Lëvizjes Vetëvendosje është të çojë vendin në zgjedhje të reja, duke mbajtur pushtetin në mënyrë ilegale. Sipas Aleancës, VV po fajëson partitë e tjera dhe po përpiqet të caktojë datën e zgjedhjeve në kohën që i konvenon asaj. Në një deklaratë pas mbledhjes së Këshillit të Kryetarëve të degëve, Aleanca kritikoi qeverisjen e Vetëvendosjes për problemet në sektorin e energjisë, furnizimin me produkte nga Serbia, dëmtimin e bizneseve vendore dhe përçarjen e qytetarëve. Aleanca thekson se pushteti aktual po lë vendin pa energji dhe në mëshirë të mafias energjetike, duke shkatërruar ekonominë dhe duke mos merituar të qeverisë me jetën e qytetarëve.