Kryetari i Aleancës për Ardhmërinë e Kosovës, Ramush Haradinaj, mori pjesë në Kuvendin Zgjedhor të degës së AAK-së në Suharekë, ku Bali Muharremaj u rizgjodh kryetar i degës për një mandat të ri. Haradinaj vlerësoi Suharekën si një komunë me standarde të larta qeverisjeje lokale, duke theksuar se mbështetja për Muharremajn pasqyron punën e vazhdueshme dhe besimin e qytetarëve. Ai njoftoi se Aleanca në Suharekë është plotësisht e organizuar dhe e gatshme për zgjedhjet e 7 qershorit, me synimin për të arritur një rezultat pozitiv dhe për të dalë parti e parë. Gjatë vizitës, Haradinaj dhe kryetari i Gjakovës, Ardian Gjini, vlerësuan mobilizimin dhe strukturat e forta të partisë në terren.