Aleanca ka kërkuar nga Lëvizja Vetëvendosje që të thërrasë sa më parë seancën konstituive të Kuvendit për të hapur rrugën e zgjedhjes së presidentit konsensual. Ata theksojnë se votat e shtatë deputetëve të Aleancës janë në dispozicion, por kërkojnë pranimin e gjashtë pikave të tyre, përfshirë çështjen e gazit amerikan. Shefi i Grupit Parlamentar të Aleancës, Besnik Tahiri, akuzon LVV-në për zvarritje të qëllimshme të formimit të institucioneve, me qëllim që të shtyhet data e zgjedhjeve të reja në fundvit. Ai paralajmëron gjithashtu kallëzime penale ndaj kabinetit qeveritar për vendimet e fundit që sipas tij synojnë kapjen e administratës shtetërore dhe emërime të paligjshme në pozita publike.