Kryetari i Aleancës, Ardian Gjini, ka theksuar se qëndrimi i partisë së tij ndaj bllokadës institucionale në Kuvendin e Kosovës është plotësisht i drejtë dhe i palëkundur. Ai ka vlerësuar se seanca e fundit dëshmoi shkeljet e vazhdueshme të Kushtetutës, ndaj Aleanca refuzon të bëhet pjesë e tyre. Në takimin e Kolegjiumit të Drejtorëve, është vendosur që Sekretari i Përgjithshëm, Avni Arifi, të marrë rolin e Koordinatorit për të udhëhequr takimet strukturore dhe për të përforcuar shkëmbimin e përvojave dhe politikat zhvillimore të partisë. Ndërkohë, Aleanca vazhdon angazhimin e saj në terren me qytetarët për të prezantuar qëndrimet e saj mbi zhvillimet aktuale në vend.