Aleanca ka njoftuar se do të hapë zyrtarisht fushatën zgjedhore me një tubim në Gjakovë, të enjten në mbrëmje, në Platonë e Parkut të Qytetit. Gjatë këtij tubimi do të prezantohet programi elektoral i Aleancës, i cili mbështetet në tri shtylla kryesore: sigurinë, energjinë dhe zhvillimin, të cilat konsiderohen themeli për ndërtimin e një Kosove më të fuqishme dhe më të zhvilluar. Aleanca ka ftuar qytetarët që t’i bashkohen këtij eventi, duke e cilësuar atë si fillimin e një rrugëtimi të rëndësishëm për gjithë vendin. Sipas njoftimit, Gjakova është vendi ku fillojnë projektet e mëdha për Kosovën, duke i dhënë kështu rëndësi simbolike hapjes së fushatës.