Kryetari i Aleancës, Ardian Gjini, ka theksuar se gjashtë pikat e paraqitura nga partia e tij nuk janë kushte, por një ofertë për të ndihmuar në krijimin e institucioneve të reja dhe për të shmangur zgjedhjet e reja. Ai ka sqaruar se kërkesat e Aleancës synojnë të adresojnë çështje që ndikojnë drejtpërdrejt në jetën e qytetarëve, përfshirë rritjen ekonomike, likuiditetin e bankave dhe përmirësimin e infrastrukturës. Gjini ka theksuar se Aleanca nuk vendos kushte subjektive apo individuale, por kërkon vendime që janë në interes të vendit dhe qytetarëve. Ai gjithashtu ka paralajmëruar se nëse Aleanca do të jetë në pushtet, do të marrë vendime të shpejta për të përmirësuar ekonominë dhe për të luftuar korrupsionin, duke u bazuar në raportet ndërkombëtare.