Deputeti i zgjedhur i Aleancës, Besnik Tahiri, ka konfirmuar se pozicioni i partisë së tij ndaj Qeverisë Kurti mbetet i pandryshuar dhe se Aleanca nuk kërkon marrëveshje politike apo pozita në ekzekutiv. Ai theksoi se nëse do të kishte ndryshuar raporti me Qeverinë, partia do të kishte nisur negociata për të qenë pjesë e saj, por deri tani kanë dhënë një pozicion politik me gjashtë kushte të rëndësishme. Tahiri komentoi edhe mundësinë e formimit të një qeverie të pakicës, duke e cilësuar këtë si një skenar për të krijuar bllokim dhe për të fajësuar ish-opozitën. Ai theksoi se Aleanca nuk ka bërë asnjë koncesion dhe nuk do të pranojë të komprometojë qëndrimin e saj politik.