Të dhënat zyrtare nga Komisioni Qendror i Zgjedhjeve tregojnë se Aleanca është subjekti i vetëm politik në Prishtinë që ka shënuar rritje të votave, duke fituar 698 vota më shumë në krahasim me numërimin e mëparshëm. Ndërkohë, partitë tradicionale si Lëvizja Vetëvendosje, Partia Demokratike e Kosovës dhe Lidhja Demokratike e Kosovës kanë pësuar rënie të ndjeshme të mbështetjes qytetare. Ky sukses i Aleancës i atribuohet lidershipit të ri, me Kreshnik Smajlajn në krye të degës së Prishtinës dhe Ardian Gjinin si kryetar i partisë, të cilët kanë mobilizuar strukturat dhe rininë në një periudhë shumë të shkurtër fushate. Energjia dhe vizioni i tyre modern kanë kthyer Aleancën në forcën e vetme politike në rritje në kryeqytet, duke shënuar një ndryshim të rëndësishëm në peizazhin politik lokal.