Kandidatja për deputete e Lidhjes Demokratike të Kosovës, Alisa Jetullahu, ka reaguar pas deklaratës së kryeredaktorit të ATV-së, Leart Hoxha, i cili në një emision televiziv tha se nje kandidate për deputete kishte shpenzuar rreth 250 mijë euro për t’u bërë deputete. Jetullahu kërkoi nga Hoxha që të konkretizojë deklaratën dhe të publikojë fakte nëse aludimet lidhen me të, duke paralajmëruar se në rast të kundërt do të ndërmarrë masa ligjore për shpifje.