Ambasada Britanike në Kosovë ka dhuruar Policisë së Kosovës dy automjete dhe 16 dronë me pajisje përcjellëse, me vlerë totale prej 153 mijë eurosh. Ky donacion synon të ndihmojë njësitet policore në identifikimin, gjurmimin dhe monitorimin e automjeteve dhe personave të dyshimtë, duke rritur kapacitetet e tyre operacionale. Marrëveshja për pranim-dorëzimin e këtyre pajisjeve u nënshkrua nga Drejtori i Departamentit të Policisë Kufitare, Fehmi Xhata, dhe përfaqësuesja e ambasadës britanike, Emma Huntley. Pajisjet do të forcojnë veçanërisht punën e njësive kufitare në parandalimin e krimit transkufitar, kontrabandës dhe migrimit të paligjshëm.