Ambasadori britanik në Kosovë, Jonathan Hargreaves, ka theksuar se roli i Kosovës si vend tranzit për migrimin e parregullt paraqet rreziqe serioze për sigurinë dhe të drejtat e njeriut në rajon dhe në Evropë. Ai bëri këto deklarata gjatë lansimit të një dokumentari të prodhuar nga Balkan Investigative Reporting Network (BIRN) me mbështetjen e Ambasadës Britanike, i cili trajton rrjetet e kontrabandës së migrantëve në Kosovë. Sipas ambasadorit, rrjetet kriminale shfrytëzojnë personat e cenueshëm për përfitime financiare, duke dëmtuar përpjekjet ndërkombëtare për menaxhimin e drejtë dhe human të migracionit. Hargreaves nënvizoi bashkëpunimin e ngushtë mes Mbretërisë së Bashkuar dhe Kosovës për luftimin e krimit të organizuar në fushën e migracionit, me qëllim forcimin e sigurisë, sundimit të ligjit dhe mbrojtjen e të drejtave të njeriut.