Ambasadori i Gjermanisë në Kosovë, Rainer Rudolph, ka shprehur shpresën që Kosova të shmangë mbajtjen e një tjetër palë zgjedhje të parakohshme dhe të mos hyjë në një periudhë të re pasigurie politike. Ai theksoi rëndësinë e funksionimit stabil të institucioneve dhe shprehu besimin se zgjidhja për situatën aktuale mund të gjendet brenda ditëve në vijim. Rudolph vuri në dukje se kjo çështje ka rëndësi jo vetëm për politikën e brendshme të Kosovës, por edhe për imazhin e vendit në arenën ndërkombëtare. Ai gjithashtu konfirmoi se është takuar me kryeministrin Kurti dhe presidenten Osmani, duke vlerësuar bashkëpunimin me ta si shumë të mirë dhe duke nënvizuar nevojën për stabilitet institucional pas një viti të vështirë politik.